दयानंद शिक्षण संस्थाही महाराष्ट्रातील अग्रगन्य शिक्षण संस्था आहे. शिक्षण क्षेत्रात आपला ठसा उमटविणाऱ्या या संस्थेने सामाजिक ऋणानुबंध ही तितक्याच जबाबदारीने जपलेला दिसून येतो. कोव्हीड 19 मुळे निर्माण झालेल्या संकट कालीन परिस्थितीत दयानंद कला महाविद्यालयाने मास्कची निर्मिती केली. आणि दयानंद इन्स्टिट्युट आॅफ फॉर्मसी ने सॅनिटायझर ची निर्मिती केली. शिक्षण संस्थेच्या वतीने पोलीस अधिकारी, कर्मचारी, त्यांचे कुटुंबीय, सफाई कामगार, जेष्ठ नागरीक, समाजातील गरजू यांच्यात मास्क व सॅनिटायझर चे वाटप केले. टाळेबंदीमुळे हातावर पोट असणाऱ्यांचे रोजच्या उपजिविकेचा प्रश्न निर्माण झाला. अशा गरजूंसाठी अन्न-धान्य कीटचे वाटप केले. यासोबतच टाळेबंदीमुळे विद्यार्थी किंवा पालक संभ्रमात पडू नये, निराशेकडे झुकू नयेत म्हणून त्यांच्यासाठी विद्यार्थी-पालक मनोबल संवाद अभियान राबविण्यात आले. एकूणच समाजसेवेच्या क्षेत्रात दयानंद शिक्षण संस्थेने एक आगळा पॅटर्न निर्माण केलेला दिसून येतो.
माहे मे मध्ये दयानंद शिक्षण संस्थेच्या दयानंद कला महाविद्यालयाने रू. 87049/-, दयानंद वाणिज्य महाविद्यालयाने रू. 57702/-, दयानंद विज्ञान महाविद्यालयाने रू. 1,12,836/- व दयानंद विधी महाविद्यालयाने रू. 34078/- असे एकूण 2,91,665/- (अक्षरी रू. दोन लाख एक्यानव्व हजार सहाशे पासष्ठ फक्त) RTGS द्वारे मुख्यमंत्री निधीस वर्ग केले आहेत.
----------------------------------------------------------------------------------------------------------------------------
